[34]
isdemque consulibus
inspectantibus servorum dilectus1 habebatur pro tribunali
Aurelio nomine conlegiorum, cum vicatim homines
conscriberentur, decuriarentur, ad vim, ad manus, ad caedem,
ad direptionem incitarentur. isdemque consulibus2 arma
in templum3 Castoris palam comportabantur, gradus eiusdem
templi tollebantur, armati homines forum et contiones4 tenebant,
caedes lapidationesque fiebant; nullus erat senatus,
nihil reliqui magistratus: unus omnem omnium potestatem
armis et latrociniis possidebat, non aliqua vi sua, sed, cum
duo consules a re publica provinciarum foedere retraxisset,
insultabat, dominabatur5, aliis pollicebatur67, terrore ac metu
multos, pluris etiam spe et promissis tenebat.
Click on a word to bring up parses, dictionary entries, and frequency statistics
1 dilectus w: del. P rell.
2 cons. coniventibus coni. Pluygers: cons. inspectantibus Hotom.
3 templum Naugerius (2): templo codd.
4 contiones §§42, 106: comitium coni. K. Busche (§75; Verr. i, §58; iii, §9; v, §170)
5 dominabatur del. Paul
6 aliis pollic. secl. Pluygers
7 minabatur aliis, aliis pollic. Tittler (Verr. iv, §31)
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.