Click on a word to bring up parses, dictionary entries, and frequency statistics
30. Quorundam ipsi testes sumus ; in his naturam
excutiemus voluntatemque facientium. Puer est;
aetati donetur, nescit an peccet. Pater est; aut
tantum profuit, ut illi etiam iniuriae ius sit, aut
fortasse ipsum hoc meritum eius est quo offendimur.
Mulier est ; errat. Iussus est ; necessitati quis nisi
iniquus suscenset ? Laesus est ; non est iniuria pati
quod prior feceris. Iudex est; plus credas illius
sententiae quam tuae. Rex est ; si nocentem punit,
[p. 232]
cede iustitiae, si innocentem, cede fortunae.
[2]
Mutum
animal est aut simile muto ; imitaris illud, si irasceris.
Morbus est aut calamitas; levius transiliet sustinentes Deus est ; tam perdis operam cum illi
irasceris, quam cum illum alteri precaris iratum.
Bonus vir est qui iniuriam fecit; noli credere.
Malus ; noli mirari; dabit poenas alteri quas debet
tibi, et iam sibi dedit qui peccavit.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.