Click on a word to bring up parses, dictionary entries, and frequency statistics
17. " Orator," inquit, " iratus aliquando melior
est." Immo imitatus iratum ; nam et histriones in
pronuntiando non irati populum movent, sed iratum
bene agentes ; et apud iudices itaque et in contione et
ubicumque alieni animi ad nostrum arbitrium agendi
sunt, modo iram, modo metum, modo misericordiam,
ut aliis incutiamus, ipsi simulabimus, et saepe id,
quod veri adfectus non effecissent, effecit imitatio
adfectuum. " Languidus," inquit, " animus est qui
ira caret." Verum est, si nihil habet ira valentius.
[2]
Nec latronem oportet esse nec praedam, nec misericordem nec crudelem ; illius nimis mollis animus,
huius nimis durus est. Temperatus sit sapiens et ad
res fortius agendas non iram sed vim adhibeat.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.