Plutarch, Quaestiones Convivales
Gregorius N. Bernardakis, Ed.

---

---

‘πρῶτον οὖν’ ὁ Μάξιμος ἔφη ‘τῶν ἐπῶν οὕτως ἐχόντων

ἔνθ᾽ ἐπορεξάμενος μεγαθύμου Τυδέος υἱὸς ¹
ἄκρην οὔτασε χεῖρα, μετάλμενος ὀξέι δουρί,

[p. 367] δῆλόν ἐστιν, ὅτι ² τὴν ἀριστερὰν ³ πατάξαι βουλόμενος οὐκ ἐδεῖτο μεταπηδήσεως ⁴, ἐπεὶ κατὰ τὴν ἀριστερὰν τὴν δεξιὰν εἶχεν ἐξ ἐναντίου προσφερόμενος: καὶ γὰρ εὔλογον ἦν τὴν ἐρρωμενεστέραν χεῖρα καὶ μᾶλλον τοῦ Αἰνείου φερομένου περιεχομένην ἐκεῖνόν τε τρῶσαι καὶ τὴν τρωθεῖσαν προέσθαι τὸ σῶμα. δεύτερον ⁵, εἰς τὸν οὐρανὸν αὐτῆς ἀνακομισθείσης, καὶ τὴν Ἀθηνᾶν ἀναγελάσαι ⁶ λέγουσαν

ἦ μάλα δή τινα Κύπρις Ἀχαιιάδων ⁷ ἀνιεῖσα ⁸
Τρωσὶν ἅμα σπέσθαι, τοὺς νῦν ἔκπαγλα φίλησε.
τῶν τινα καρρέζουσα Ἀχαιιάδων βαθυκόλπων ⁹,
πρὸς χρυσῇ περόνῃ καταμύξατο ¹⁰ χεῖρα ἀραιήν.

οἶμαι δὲ καὶ σέ’ εἶπεν ‘ὦ βέλτιστε διδασκάλων, ὅταν τινὰ τῶν μαθητῶν φιλοφρονούμενος καταψᾷς καὶ καταρρέζῃς ¹¹, μὴ τῇ ἀριστερᾷ χειρὶ τοῦτο ¹² ποιεῖν ἀλλὰ τῇ δεξιᾷ. καθάπερ εἰκός ἐστι καὶ τὴν Ἀφροδίτην, ἐπιδεξιωτάτην θεῶν οὖσαν, οὕτω φιλοφρονεῖσθαι τὰς ἡρωίδας.’