Plutarch, Quaestiones Convivales
Gregorius N. Bernardakis, Ed.

---

---

ῥηθέντων δὲ τούτων καὶ τὸν Φιλῖνον ἡμῶν ἐπαινεσάντων, αὖθις ὁ Λυσίμαχος ἔφη ‘ποῖον οὖν φαίη τις ἂν τῶν ἀγωνισμάτων γεγονέναι πρῶτον ἢ τὸ στάδιον, ὥσπερ Ὀλυμπίασιν ... ¹ ἐνταῦθα δὲ παρ᾽ ἡμῖν καθ᾽ ἕκαστον ἄθλημα τοὺς ἀγωνιζομένους εἰσάγουσιν ἐπὶ παισὶ παλαισταῖς ἄνδρας παλαιστὰς καὶ πύκτας ἐπὶ πύκταις ὁμοίως καὶ παγκρατιαστάς: ἐκεῖ δ᾽, ὅταν οἱ παῖδες διαγωνίσωνται, τότε τοὺς ἄνδρας καλοῦσι. σκόπει δὲ μὴ ² μᾶλλον ’ ἔφη ‘τὴν κατὰ χρόνον τάξιν Ὅμηρος ἀποδείκνυσι: πρῶτον γὰρ ἀεὶ πυγμὴ παρ᾽ αὐτῷ, δεύτερον πάλη, καὶ τελευταῖον ὁ δρόμος τῶν γυμνικῶν ἀεὶ τέτακται’ [p. 78] θαυμάσας οὖν Μενεκράτης ὁ Θεσσαλὸς ‘ὦ Ἡράκλεις’ εἶπεν ‘ὅσα λανθάνει ἡμᾶς: εἰ δέ τινα τῶν ἐπῶν ἐστί σοι πρόχειρα, μὴ φθονήσῃς ἀναμνῆσαι.’ καὶ ὁ Τίμων ‘ἀλλ᾽ ὅτι μέν’ εἶπεν ‘αἱ Πατρόκλου ταφαὶ ταύτην ἔχουσι τῶν ἀγωνισμάτων τὴν τάξιν, ἅπασιν ὡς ἔπος εἰπεῖν ἔναυλόν ἐστι. διατηρῶν δὲ τὴν τάξιν ὁμαλῶς ὁ ποιητὴς τὸν μὲν Ἀχιλλέα λέγοντα τῷ Νέστορι πεποίηκε

δίδωμι δέ σοι ³ τόδ᾽ ἄεθλον ⁴
αὔτως ⁵: ιδεμ οὐ γὰρ πύξ γε μαχήσεαι οὐδὲ παλαίσεις,
οὐδὲ τ᾽ ἀκοντιστὺν ἐνδύσεαι ⁶ οὐδὲ πόδεσσι
θεύσεαι:

τὸν δὲ πρεσβύτην ἐν τῷ ἀποκρίνεσθαι παραδολεσχοῦντα γεροντικῶς, ὅτι

πὺξ μὲν ἐνίκησα Κλυτομήδεα, Οἴνοπος ⁷ υἱόν,
⁸ Ἀγκαῖον δὲ πάλῃ Πλευρώνιον,
Ἴφικλον δὲ πόδεσσι παρέδραμον:

αὖθις δὲ τὸν μὲν Ὀδυσσέα τοὺς Φαίακας προκαλούμενον

ἢ πύξ ἠὲ πάλῃ ἢ καὶ ποσίν,

⁹ τὸν δ᾽ Ἀλκίνουν ὑποτιμώμενον

οὐ γὰρ πυγμάχοι εἰμὲν ἀμύμονες οὐδὲ παλαισταί,
¹⁰ ἀλλὰ ποσὶ κραιπνοῖς ¹¹ θέομεν:

ὡς οὐ κατὰ τύχην ἐκ τοῦ παρισταμένου τῇ τάξει χρώμενος ἄλλοτ᾽ ἄλλως, ἀλλὰ τοῖς εἰθισμένοις τότε [p. 79] καὶ δρωμένοις κατὰ νόμον ἐπακολουθῶν ἐδρᾶτο δ᾽ οὕτως, τὴν παλαιὰν ἔτι τάξιν αὐτῶν διαφυλαττόντων.’