This text is part of:
Search the Perseus Catalog for:
Click on a word to bring up parses, dictionary entries, and frequency statistics
[148]
Explodatur igitur haec quoque somniorum divinatio
pariter cum ceteris. Nam, ut vere loquamur, superstitio fusa per gentis oppressit omnium fere animos [p. 249]
atque hominum inbecillitatem occupavit. Quod et in
iis libris dictum est, qui sunt de natura deorum, et
hac disputatione id maxume egimus. Multum enim et
nobismet ipsis et nostris profuturi videbamur, si eam
funditus sustulissemus. Nec vero (id enim diligenter
intellegi volo) superstitione tollenda religio tollitur.
Nam et maiorum instituta tueri sacris caerimoniisque
retinendis sapientis est, et esse praestantem aliquam
aeternamque naturam, et eam suspiciendam admirandamque hominum generi pulchritudo mundi ordoque rerum caelestium cogit confiteri.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.