Click on a word to bring up parses, dictionary entries, and frequency statistics
28. " Si vota," inquit, " valuissent, et in hoc valuissent, ut tutus esses." Primum certum mihi optas
periculum sub incerto auxilio. Deinde utrumque
certum puta : quod nocet, prius est.
[2]
Praeterea tu
condicionem voti tui nosti, me tempestas occupavit
portus ac praesidii dubium. Quantum tormentum
existimas, etiam si accepero, eguisse ? Etiam si servatus fuero, trepidasse ? Etiam si absolutus fuero,
causam dixisse ? Nullius metus tam gratus est finis,
ut non gratior sit solida et inconcussa securitas.
[3]
Opta, ut reddere mihi beneficium possis, cum opus
erit, non, ut opus sit. Si esset in tua potestate, quod
optas, ipse fecisses.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.