Click on a word to bring up parses, dictionary entries, and frequency statistics
15.
in contionem
extemplo populus vocatus, ut rex, quae vellet, coram
ageret; deinde ex dignitate magis visum scribere eum,
[2]
de quibus videretur, quam praesentem aut referendis
suis in civitatem beneficiis erubescere aut significationibus adclamationibusque multitudinis adsentatione
[p. 15]
immodica pudorem onerantis.
[3]
in litteris autem, quae
missae in contionem recitataeque sunt, commemoratio
erat beneficiorum primum in civitatem suorum, deinde
rerum,
[4]
quas adversus Philippum gessisset, ad postremum adhortatio capessendi belli, dum se, dum Rhodios, tum quidem dum etiam Romanos haberent:
[5]
nequiquam postea, si tum cessassent, praetermissam occasionem quaesituros. Rhodii deinde legati auditi
sunt; quorum recens erat beneficium, quod naves
longas quattuor Atheniensium, captas nuper ab Macedonibus recuperatasque, remiserant. itaque ingenti
consensu bellum adversus Philippum decretum.
[6]
honores regi primum Attalo immodici, deinde et Rhodiis habiti. tum primum mentio inlata de tribu,
quam Attalida appellarent, ad decem veteres tribus
addenda, et Rhodiorum populus corona aurea virtutis
ergo donatus,
[7]
civitasque Rhodiis data, quem ad modum Rhodii prius Atheniensibus dederant.
[8]
secundum
haec rex Attalus Aeginam ad classem se recipit;
Rhodii Ciam ab Aegina, inde per insulas Rhodum
navigarunt omnibus praeter Andrum Parumque et
Cythnum, quae praesidiis Macedonum tenebantur, in
societatem acceptis.
[9]
Attalum Aeginae missi in Aetoliam nuntii expectatique inde legati aliquamdiu nihil
agentem tenuere.
[10]
sed neque illos excire ad arma
potuit, gaudentes utcumque composita cum Philippo
pace, et ipse Rhodiique, cum, si institissent Philippo,
egregium liberatae per se Graeciae titulum habere
potuissent,
[11]
patiendo rursus eum in Hellespontum traicere occupantemque Thraeciae opportuna loca vires
colligere bellum aluere gloriamque eius gesti perfectique Romanis concesserunt.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.