Click on a word to bring up parses, dictionary entries, and frequency statistics
7. ceterum Hannibal, ut nec hostis elici amplius
ad pugnam vidit neque per castra eorum perrumpi ad
Capuam posse,
[2?]
ne suos quoque commeatus intercluderent novi consules, abscedere inrito incepto et
movere a Capua statuit castra.
[3]
multa secum
quonam1 inde ire pergeret volventi subiit animum impetus caput ipsum belli Romam petendi, cuius rei
semper cupitae praetermissam occasionem post
Cannensem pugnam et alii volgo2 fremebant et ipse non dissimulabat:
[4]
necopinato pavore ac tumultu
non esse desperandum aliquam partem urbis occupari posse;
[5]
et si Roma in discrimine esset, Capuam
extemplo omissuros aut ambo imperatores Romanos
aut alterum ex iis, et si divisissent copias, utrumque
infirmiorem factum aut sibi aut Campanis bene
gerendae rei fortunam daturos esse.
[6]
una ea cura
angebat ne, ubi abscessisset, extemplo dederentur
Campani. Numidam promptum ad omnia audenda
agendaque3 donis perlicit ut litteris acceptis specie [p. 28]
transfugae castra Romana ingressus, altera parte4 clam Capuam pervadat.
[7]
litterae autem erant adhortatione plenae: profectionem suam, quae salutaris illis foret, abstracturam ad defendendam Romam ab oppugnanda Capua duces atque exercitus
Romanos.
[8]
ne desponderent animos; tolerando
paucos dies totam soluturos obsidionem.
[9]
inde navis
in flumine Volturno conprehensas subigi ad id quod
iam ante praesidii causa fecerat castellum iussit.
[10]
quarum ubi tantam copiam esse ut una nocte traici
posset exercitus allatum est, cibariis decem dierum
praeparatis deductas nocte ad fluvium legiones ante
lucem traiecit.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.