Click on a word to bring up parses, dictionary entries, and frequency statistics
[7]
Te autem alio
quodam modo non solum natura et moribus, verum
etiam studio et doctrina esse sapientem, nec sicut
volgus, sed ut eruditi solent appellare sapientem,
qualem in Graecia reliqua neminem—nam qui
septem appellantur, eos qui ista subtilius quaerunt
in numero sapientium non habent—Athenis unum
accepimus et eum quidem etiam Apollinis oraculo
sapientissimum iudicatum. hanc esse in te sapientiam existimant, ut omnia tua in te posita esse ducas
humanosque casus virtute inferiores putes. itaque
ex me quaerunt, credo ex hoc item Scaevola, quonam
pacto mortem Africani feras, eoque magis quod
proximis Nonis, cum in hortos D. Bruti auguris
commentandi causa, ut assolet, venissemus, tu non
affuisti, qui diligentissime semper ilium diem et
illud munus solitus esses obire.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.