Click on a word to bring up parses, dictionary entries, and frequency statistics
[47]
O praeclaram sapientiam!
solem enim e mundo tollere videntur ei, qui amicitiam e vita tollunt, qua nihil a dis immortalibus melius
habemus, nihil iucundius. quae est enim ista
securitas? specie quidem blanda, sed reapse multis
locis repudianda. neque enim est consentaneum
ullam honestam rem actionemve, ne sollicitus sis,
aut non suscipere aut susceptam deponere. quod
si curam fugimus, virtus fugienda est, quae necesse
est cum aliqua cura res sibi contrarias aspernetur
atque oderit, ut bonitas malitiam, temperantia
libidinem, ignaviam fortitudo. itaque videas rebus
iniustis iustos maxime dolere, imbellibus fortis, flagitiosis modestos. ergo hoc proprium est animi bene
constituti, et laetari bonis rebus et dolere contrariis.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.