Click on a word to bring up parses, dictionary entries, and frequency statistics
30. haec pronuntiata primo die conventus varie
adfecerunt animos. libertas praeter spem data
adrexit et levatum annuum vectigal;
[2]
regionatim
commercio1 interruptis sua videri lacerata,2 tamquam animali in artus alterum alterius indigentis distracto; adeo, quanta Macedonia esset, quam
divisui facilis, quam se3 ipsa quaeque contenta4 pars esset, Macedones quoque ignorabant.
[3]
pars prima Bisaltas habet, fortissimos viros—trans Nessum amnem incolunt et circa Strymonem—, et multas frugum proprietates et metalla et opportunitatem
Amphipolis, quae obiecta claudit omnes ab oriente
sole in Macedoniam aditus.
[4]
secunda pars celeberrimas urbes Thessalonicen et5 Cassandream habet, ad hoc Pallenen, fertilem ac frugiferam terram; maritimas quoque opportunitates ei praebent portus ad Toronen ac6 montem Atho Aeneamque et Acanthum,7 alii ad Thessaliam8 insulamque [p. 352] Euboeam, alii ad Hellespontum opportune versi.9
[5]
tertia regio nobilis urbes Edessam et Beroeam et Pellam habet et Vettiorum bellicosam gentem, incolas quoque permultos Gallos et Illyrios, impigros cultores.
[6]
quartam regionem Eordaei et Lyncestae et Pelagones incolunt; iuncta his Atintania et Tymphaeis et Elimiotis.
[7]
frigida haec omnis duraque cultu et aspera plaga est; cultorum quoque ingenia terrae similia habet. ferociores eos et accolae barbari faciunt, nunc bello exercentes, nunc in pace
miscentes ritus suos.
[8]
divisa itaque Macedonia10 partium usibus separatis, quanta universa esset, ostendit.11
1 commercio bekker: mesico V.
2 sua videri lacerata Harant: advideri lacerata V: ita videri lacerata Macedonia vahlen.
3 quam se H.J. Müller: et a se V.
4 contenta Sigonius: cõ tempta V.
5 et add. Fr: om. V.
6 Toronen ac Drakenborch: toroneam V.
7 Aeneamque et Acanthum H. J. Müller: eneaeuocanthunc V.
8 ad Thessaliam add. Harant: om. V.
9 A.U.C. 587
10 itaque Macedonia Madvig: aitqaue Macedoniae V.
11 universa esset, ostendit Madvig: universos tendit V.
Livy. Books XLIII-XLV With An English Translation. Cambridge. Cambridge, Mass., Harvard University Press; London, William Heinemann, Ltd. 1951: published without copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.