Click on a word to bring up parses, dictionary entries, and frequency statistics
σμύρνα Κινύρου θυγάτηρ διὰ μῆνιν Ἀφροδίτης
ἠράσθη τοῦ
γεννήσαντος, καὶ τῇ τροφῷ τὴν ἀνάγκην τοῦ
ἔρωτος ἐδήλωσεν: ἡ δὲ δόλῳ ὑπῆγε τὸν δεσπότην ἔφη γὰρ γείτονα
παρθένον ἐρᾶν αὐτοῦ καὶ αἰσχύνεσθαι ἐν φανερῷ προσιέναι. ὁ δὲ συνῄει.
ποτὲ δὲ θελήσας τὴν ἐρῶσαν μαθεῖν φῶς ᾔτησεν, ἰδὼν δὲ ξιφήρης τὴν
ἀσελγεστάτην ἐδίωκεν. ἡ δὲ κατὰ πρόνοιαν
Ἀφροδίτης εἰς ὁμώνυμον δένδρον μετεμορφώθη: καθὰ Θεόδωρος 1 ἐν ταῖς
Μεταμορφώσεσιν. Οὐαλερία
Τουσκλαναρία κατὰ μῆνιν Ἀφροδίτης ἐρασθεῖσα Οὐαλερίου τοῦ πατρὸς τῇ
τροφῷ ἀνεκοίνωσεν: ἡ δὲ τὸν δεσπότην δόλῳ
ὑπῆλθεν, εἰποῦσα ὡς
αἰδεῖται κατ᾽ ὄψιν μίσγεσθαι, τῶν τε [p. 370] γειτόνων εἶναι
τὴν παρθένου. καὶ οἰνωθεὶς ὁ 2 πατὴρ ᾔτει φῶς, ἡ δὲ τροφὸς φθάσασα
διήγειρεν, ἣτις ἐπὶ ταῖς ἀγροικίαις ἦν ἐγκύμων τυγχάνουσα: ποτὲ δὲ
κατὰ κρημνῶν ἐνεχθείσης τὸ βρέφος ἔζη: κατιοῦσα δ᾽ ἐγκύμων κατέστη καὶ εἰς τὸν ὡρισμένον χρόνον ἐγέννησεν
Αἰγίπανα, κατὰ τὴν Ῥωμαίων φωνὴν Σιλουᾶνον. ὁ δὲ Οὐαλέριος ἀθυμήσας
κατὰ τῶν αὐτῶν ἔρριψε 3 κρημνῶν ὡς Ἀριστείδης 4 Μιλήσιος ἐν τρίτῳ
Ἰταλικῶν.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.