Click on a word to bring up parses, dictionary entries, and frequency statistics
42. at cum processissem inde ad visendas
Larisam et Antronas et Pteleon,1 qua in propinquo Delphi sunt,2 sacrificandi causa, ut3 multo ante debita vota persolverem, Delphos escendi.
[2]
et his, criminis augendi causa, cum exercitu me isse4 adicitur; scilicet ut, quod nunc vos facere queror, urbes occuparem, arcibus imponerem5 praesidia.
[3]
vocate in concilium Graeciae civitates per quas iter feci, queratur unusquilibet militis mei iniuriam; non recusabo quin simulato sacrificio aliud petisse videar.
[4]
Aetolis et Byzantiis praesidia misimus et cum Boeotis amicitiam fecimus. haec, qualiacumque sunt, per
[p. 418]
legatos meos non solum indicata sed etiam excusata6 sunt saepe in senatu vestro, ubi aliquos ego disceptatores non tam aequos quam te, Q.7 Marci, paternum amicum et hospitem, habebam.
[5]
sed nondum Romam accusator Eumenes venerat, qui calumniando8 omnia detorquendoque suspecta et invisa efficeret et persuadere vobis conaretur, non posse Graeciam in libertate esse et vestro munere frui,
[6]
quoad regnum Macedoniae incolume esset. circumagetur hic orbis; erit mox, qui arguat nequiquam Antiochum ultra iuga Tauri emotum;9 graviorem multo Asiae quam10 Antiochus fuerit, Eumenen esse;11 conquiescere socios vestros non posse quoad regia Pergami sit; eam arcem supra capita finitimarum civitatium impositam.
[7]
ego haec, Q. Marci et A. Atili, quae aut a vobis obiecta aut purgata a me sunt, talia esse scio ut aures, ut animi audientium sint, nec tam referre, quid ego aut qua mente fecerim quam quomodo id vos factum accipiatis.
[8]
conscius mihi sum nihil me scientem deliquisse, et, si quid fecerim imprudentia lapsus, corrigi me et emendari castigatione hac posse.
[9]
nihil certe insanabile nec quod bello et armis persequendum esse censeatis commisi; aut frustra clementiae gravitatisque vestrae fama volgata per gentes est, si talibus de
causis, quae vix querella et expostulatione dignae12 sunt, arma capitis et regibus sociis bella infertis."
1 Pteleon ruperti: pycleon V.
2 Delphi sunt Vahlen: delphis V.
3 ut add. Vahlen: om. V.
4 me isse kreyssig: messe V.
5 imponerem Fr.: opponere V.
6 A.U.C. 582
7 te Q. Fr.: teque V.
8 calumniando Fr.: calumiain V.
9 iuga Tauri emotum J. F. Gronovius: legatauremotum V.
10 graviorem . . . quam Fr.: grauiore—quequam V.
11 Eumenem esse Fr.: Eumene necesse V.
12 expostulatione dignae Fr.: postulatione digna V.
Livy. Books XL-XLII With An English Translation. Cambridge. Cambridge, Mass., Harvard University Press; London, William Heinemann, Ltd. 1938: published without copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.