This text is part of:
Search the Perseus Catalog for:
Table of Contents:
Click on a word to bring up parses, dictionary entries, and frequency statistics
‘τίνες οἱ παρὰ Κρησὶ λεγόμενοι κατακαῦται;᾽’ Τυρρηνούς φασι τοὺς 1 τὰς
Ἀθηναίων θυγατέρας καὶ γυναῖκας ἐκ Βραύρωνος ἁρπάσαντας, ὁπηνίκα
Λῆμνον καὶ Ἴμβρον κατῴκουν, εἶτ᾽
ἐκπεσόντας, εἰς τὴν Λακωνικὴν ἀφικέσθαι καὶ γενέσθαι ἐπιμιξίαν αὐτοῖς
μέχρι παίδων γενέσεως πρὸς τὰς ἐγχωρίους γυναῖκας: ἐκ δ᾽ ὑποψίας καὶ
διαβολῆς πάλιν ἀναγκασθέντας ἐκλιπεῖν τὴν Λακωνικήν, μετὰ παίδων καὶ
γυναικῶν
εἰς Κρήτην κατᾶραι,
Πόλλιν ἡγεμόνα καὶ Δελφὸν 2 ἔχοντας. ἐκεῖ δὲ πολεμοῦντας τοῖς κατέχουσι
τὴν Κρήτην, πολλοὺς περιορᾶν τῶν ἐν ταῖς μάχαις ἀποθνησκόντων ἀτάφους,
τὸ μὲν πρῶτον ἀσχόλους διὰ τὸν πόλεμον ὄντας καὶ τὸν κίνδυνον, ὕστερον
δὲ φεύγοντας ἅπτεσθαι νεκρῶν ἐφθαρμένων ὑπὸ
χρόνου καὶ διερρυηκότων. τὸν οὖν Πόλλιν ἐξευρόντα τιμάς τινας καὶ
προνομίας καὶ ἀτελείας ἀποδοῦναι τὰς μὲν τοῖς ἱερεῦσι τῶν 3 θεῶν, τὰς δὲ
τοῖς ταφεῦσι τῶν τετελευτηκότων, ἐπιφημίσαντα καὶ ταύτας δαίμοσι χθονίοις, ὅπως ἀναφαίρετοι διαμένοιεν: εἶτα κλήρῳ
διαλαχεῖν πρὸς τὸν Δελφόν. 4 ὀνομασθῆναι δὲ τοὺς [p. 333] μὲν
ἱερεῖς, τοὺς δὲ ‘κατακαύτας’ : καὶ πολιτεύεσθαι μὲν αὐτοὺς καθ᾽ αὑτούς,
ἔχειν δὲ μετὰ τῶν ἄλλων φιλανθρώπων καὶ ἄδειαν ἀδικημάτων, οἷς οἱ
ἄλλοι Κρῆτες εἰώθασι χρῆσθαι πρὸς ἀλλήλους ἄγοντες λαθραίως καὶ ἀποφέροντες: ἐκείνους γὰρ οὐδὲν
ἀδικεῖν οὐδὲ κλέπτειν οὐδὲν οὐδ᾽ ἀφαιρεῖσθαι.
Plutarch. Moralia. Gregorius N. Bernardakis. Leipzig. Teubner. 1889. 2.
The National Endowment for the Humanities provided support for entering this text.
This text was converted to electronic form by optical character recognition and has been proofread to a high level of accuracy.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.