This text is part of:
Search the Perseus Catalog for:
Click on a word to bring up parses, dictionary entries, and frequency statistics
[7]
Legum conditores festos instituerunt
dies, ut ad hilaritatem homines publice cogerentur,
tamquam necessarium laboribus interponentes temperamentum; et magni, ut dixi, viri quidam sibi
menstruas certis diebus ferias dabant, quidam nullum
non diem inter otium et curas dividebant. Qualem
Pollionem Asinium oratorem magnum meminimus,
quem nulla res ultra decumam detinuit ; ne epistulas
quidem post eam horam legebat, ne quid novae
[p. 282]
curae nasceretur, sed totius diei lassitudinem duabus
illis horis ponebat. Quidam medio die interiunxerunt
et in postmeridianas horas aliquid levioris operae
detulerunt. Maiores quoque nostri novam relatio-
nem post horam decumam in senatu fieri vetabant.
Miles vigilias dividit, et nox immunis est ab expeditione
redeuntium.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.