Click on a word to bring up parses, dictionary entries, and frequency statistics
27. ubi illuxit, Scipio e praetoria nave
[2]
silentio1 per praeconem facto “divi divaeque” inquit
“qui2 maria terrasque colitis, vos precor quaesoque uti quae in meo imperio gesta sunt, geruntur, postque gerentur,3 ea mihi, populo plebique Romanae, sociis nominique Latino qui populi Romani quique meam [p. 312]
sectam, imperium auspiciumque terra maria4 amnibusque5 secuntur,
[3?]
bene verruncent, eaque vos omnia bene iuvetis, bonis auctibus auxitis; salvos incolumesque victis perduellibus victores, spoliis decorates, praeda onustos6 triumphantesque mecum domos reduces sistatis; inimicorum hostiumque ulciscendorum copiam faxitis;
[4]
quaeque populus Carthaginiensis in civitatem nostram facere molitus est, ea ut mihi populoque Romano in civitatem Carthaginiensium exempla edendi facultatem detis.”
[5]
secundum has preces cruda exta caesa7 victima,
uti mos est, in mare proiecit tubaque signum dedit
proficiscendi.
[6]
vento secundo vehementi satis
profecti8 celeriter e conspectu terrae ablati sunt; et a meridie nebula occepit9 ita vix ut concursus navium inter se vitarent; lenior ventus in alto factus.
[7]
noctem insequentem eadem caligo obtinuit; sole orto
est discussa, et addita vis vento. iam terram cernebant.
[8]
haud ita multo post gubernator Scipioni ait
non plus quinque milia passuum Africam abesse;
Mercuri promunturium se cernere; si iubeat eo
dirigi, iam in portu fore omnem classem.
[9]
Scipio, ut in
conspectu terra fuit, precatus deos10 uti bono rei [p. 314] publicae suoque Africam viderit,11 dare vela et alium12 infra navibus accessum petere iubet.
[10]
vento eodem ferebantur; ceterum nebula sub idem ferme tempus quo pridie exorta conspectum terrae ademit, et ventus premente nebula cecidit.
[11]
nox deinde incertiora omnia fecit; itaque ancoras, ne aut inter se concurrerent naves aut terrae13 inferrentur, iecere.
[12]
ubi inluxit, ventus idem coortus nebula disiecta aperuit omnia Africae litora. Scipio, quod esset proximum promunturium percunctatus, cum Pulchri promunturium id vocari audisset, “placet omen” inquit; “huc dirigite naves.”
[13]
eo classis decurrit, copiaeque omnes in terram expositae sunt.
prosperam navigationem sine terrore ac tumultu
fuisse permultis Graecis Latinisque auctoribus credidi.
[14]
Coelius unus,14 praeterquam quod non mersas fluctibus naves, ceteros omnes caelestes maritimosque terrores, postremo abreptam tempestate ab Africa classem ad insulam Aegimurum inde aegre correctum cursum [p. 316] exponit,
[15?]
et prope obrutis navibus iniussu imperatoris15 scaphis, haud secus quam naufragos, milites sine armis cum ingenti tumultu in terram evasisse.
1 navigantibus erat . . . silentio ANIHJK: om. P(1)N, probably three lines.
2 qui om. P(3).
3 postque gerentur A4H (-untur) JK Eds.: om. P(1)N.
4 A.U.C. 550
5 amnibusque P（i except D, which om.) NHJK Conway (retaining the antique flavour suited to aformal prayer): amnibus rejected by Held, Madvig and most recent Eds.
6 praeda onustos om. SpHJK.
7 caesa JK Aldus, Froben: cesam (with victimam) A3N3H: om. P(1)N.
8 profecti P(1)NHJK Eds.: provecti conj. Weissenborn, Conway.
9 occepit PRSpJK: occeperat Aldus: accepit C ex- b Eds.: cepit MAN.
10 deos om. P(1)N.
11 viderit P(1)n Eds.: videret A3HJK.
12 A.U.C. 550
13 inter se ... aut terrae N3HJK (and A3, om. aut): interrae P(3), om. 25 letters.
14 Coelius (or cael-) unus M3A3HJK: caecilius (or cec-) P(1)N.
15 A.U.C. 550
Livy. Books XXVIII-XXX With An English Translation. Cambridge. Cambridge, Mass., Harvard University Press; London, William Heinemann, Ltd. 1949: no copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.