Click on a word to bring up parses, dictionary entries, and frequency statistics
24. cum his1 mandatis ab rege legati ad Scipionem missi Syracusis eum convenerunt.
[2]
Scipio quamquam magno momento rerum in Africa gerendarum magnaque spe destitutus erat, legatis propere,
priusquam res volgaretur, remissis in Africam
litteras dat ad regem,
[3?]
quibus etiam atque etiam
monet eum ne iura hospitii secum neu cum populo
Romano initae societatis neu fas, fidem, dexteras,
deos testes atque arbitros conventorum fallat.
[4]
ceterum quando neque celari adventus Numidarum
Poterat—vagati enim in urbe obversatique praetorio
Erant—et, si sileretur quid petentes venissent,
periculum erat ne vera eo ipso quod celarentur sua
sponte magis emanarent, timorque in exercitum
incederet2 ne simul cum rege et Carthaginiensibus
foret bellandum, avertit a vero falsis praeoccupando
mentes hominum,
[5?]
et vocatis ad contionem militibus
non ultra esse cunctandum ait; instare ut in Africam
quam primum traiciat socios reges. Masinissam
prius ipsum3 ad C. Laelium venisse querentem quod cunctando tempus tereretur;
[6]
nunc Syphacem mittere legatos idem admirantem, quae tam diuturnae morae
[p. 302]
sit causa postulantemque4 ut aut traiciatur tandem5 in Africam exercitus aut, si mutata consilia sint, certior fiat, ut et ipse6 sibi ac regno suo possit7 consulere.
[7]
itaque satis iam omnibus instructis apparatisque8 et re iam non ultra recipiente cunctationem, in animo sibi esse, Lilybaeum classe traducta eodemque omnibus peditum equitumque copiis contractis, quae prima dies cursum navibus daret, deis bene iuvantibus in Africam traicere.
[8]
litteras ad M. Pomponium mittit ut, si ei videretur, Lilybaeum veniret, ut communiter consulerent quas
potissimum legiones et9 quantum militum numerum in Africam traiceret.
[9]
item circum oram omnem10 maritimam misit ut naves onerariae comprensae Lilybaeum omnes contraherentur.
[10]
quidquid militum naviumque11 in Sicilia erat cum Lilybaeum convenisset, et nec urbs multitudinem
hominum neque portus naves caperet,
[11?]
tantus
omnibus ardor erat in Africam traiciendi ut non ad
bellum duci viderentur, sed ad certa victoriae praemia. praecipue qui superabant ex Cannensi exercitu
milites illo, non alio duce credebant navata rei publicae opera finire se militiam ignominiosam posse.
[12]
et Scipio minime id genus militum aspernabatur, ut
[p. 304]
qui neque ad Cannas ignavia eorum cladem acceptam12 sciret neque ullos aeque veteres milites in exercitu Romano esse expertosque non variis proeliis modo
sed urbibus etiam oppugnandis.
[13]
Quinta et sexta Cannenses erant legiones. eas se traiecturum in Africam
cum dixisset, singulos milites inspexit, relictisque
quos non idoneos credebat, in locum eorum subiecit
quos secum ex Italia adduxerat,
[14?]
supplevitque ita eas
legiones ut singulae sena milia et ducenos pedites,
trecenos13 haberent equites. sociorum item Latini nominis pedites equitesque de exercitu Cannensi legit.
1 his CRaMBDANK: hiis J: iis PR.
2 incederet P (probably (1)N, not reported by Conway): incideret P4?M7HJK Aldus, Froben: insideret Madvig (with in exercitu from P).
3 prius ipsum N3HJK Froben 2: ipsum prius P(3)n Aldus.
4 quae ... postulantem- om. P(1)N, two lines supplied from A3N3HJK.
5 A.U.C. 550
6 ipse om. P(1)N.
7 possit P4 and (om. suo)SpHJK Froben 2: posset P(1)N Aldus.
8 instructis apparatisque N3HJK Aldus, Froben, Conway (with paratisque Weissenborn, Madvig): instructisque P(1)N.
9 et P(1)N2 or N3Aldus: om. Sp?HJK Froben 2.
10 omnem om. P(1)n Aldus.
11 naviumque om. (1)N: P has only quae deleted.
12 A.U.C. 550
13 trecenos glareanus: tricenos P(1)N: trecentos P5: cc HJK.
Livy. Books XXVIII-XXX With An English Translation. Cambridge. Cambridge, Mass., Harvard University Press; London, William Heinemann, Ltd. 1949: no copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.