8. sed tamen te a me
pro magnis causis nostrae necessitudinis monendum esse
etiam atque etiam puto. non possunt omnes esse patricii;
si verum quaeris, ne curant quidem; nec se aequales tui
propter istam causam abs te anteiri putant.
[24]
ac1 si tibi nos
peregrini videmur, quorum iam et2 nomen et honos inveteravit
et urbi huic3 et hominum famae ac sermonibus, quam
tibi illos competitores tuos peregrinos videri necesse erit qui
iam ex tota Italia delecti tecum de honore ac de4 omni
dignitate contendent5! quorum cave tu6 quemquam peregrinum
appelles, ne peregrinorum suffragiis obruare. qui
si7 attulerint nervos et industriam, mihi crede, excutient tibi
istam verborum iactationem et te ex somno saepe excitabunt
nec patientur se abs te, nisi virtute vincentur, honore superari.
[25]
ac8 si, iudices, ceteris9 patriciis me et vos peregrinos
videri oporteret, a Torquato tamen hoc vitium10 sileretur; est
enim ipse a11 materno genere municipalis, honestissimi ac
nobilissimi generis, sed tamen Asculani. aut igitur doceat
Picentis solos non esse12 peregrinos aut gaudeat suo generi
me meum non anteponere13. qua re neque tu me peregrinum
posthac dixeris, ne gravius refutere, neque regem, ne derideare.
Nisi forte regium tibi videtur ita vivere ut non modo
homini nemini sed ne cupiditati quidem ulli servias, contemnere
omnis libidines, non auri, non argenti, non ceterarum
rerum indigere, in senatu sentire libere, populi utilitati
magis14 consulere quam voluntati, nemini cedere, multis obsistere.
si hoc putas esse regium15, regem me esse16 confiteor;
sin te potentia mea, si dominatio, si denique aliquod dictum
adrogans aut superbum movet, quin tu id potius profers
quam verbi invidiam contumeliamque maledicti?
Click on a word to bring up parses, dictionary entries, and frequency statistics
1 at b1c
2 iam et iam ec
3 urbi huic Te: huic urbi cett. hominum om. e
4 ac de Te: et de cett.
5 contendent Te: certabunt c: contendunt cett.
6 tu cave e
7 si si ita e
8 ac at eb1c, ed. V
9 ceteris om. e
10 hoc convicium Gulielmius
11 a om. Schol.
12 esse non e
13 non anteponere Teπ: ante non ponere (cf. Off. iii. 71) cett. (meliore numero)
14 magis utilitati e
16 regem me esse T: me regem esse cett.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.