19.
[53]
hoc tempore, cum
arderet acerrime coniuratio, cum Catilina egrederetur ad
exercitum, Lentulus in urbe relinqueretur, Cassius incendiis,
Cethegus caedi praeponeretur, Autronio ut occuparet Etruriam
praescriberetur, cum omnia ornarentur1, instruerentur2,
pararentur, ubi fuit Sulla, Corneli? num Romae? immo
longe afuit3. num in4 eis5 regionibus6 quo se Catilina inferebat7?
multo etiam longius. num in agro Camerti, Piceno, Gallico,
quas in8 oras maxime quasi morbus quidam illius furoris pervaserat?
nihil vero minus. fuit enim, ut iam ante dixi,
Neapoli, fuit in ea parte Italiae quae maxime ista9 suspicione
caruit.
[54]
quid ergo indicat aut quid adfert aut ipse Cornelius
aut vos qui haec ab illo10 mandata defertis? gladiatores
emptos esse Fausti simulatione ad caedem ac tumultum?
'ita prorsus; interpositi sunt gladiatores.' quos testamento
patris deberi videmus11. 'adrepta est familia.' quae si esset
praetermissa, posset alia familia Fausti munus praebere12.
Vtinam quidem haec ipsa non modo iniquorum invidiae13 sed
aequorum exspectationi satis facere posset! 'properatum14
vehementer est15, cum longe tempus muneris abesset.' quasi
vero tempus dandi muneris non valde appropinquaret. 'nec
opinante Fausto, cum is neque sciret neque vellet, familia
est comparata.' at litterae sunt Fausti,
[55]
per quas ille precibus
a P. Sulla petit ut emat gladiatores et ut hos ipsos emat,
neque solum ad Sullam missae sed ad L. Caesarem, Q. Pompeium,
C. Memmium, quorum de sententia tota res gesta
est. 'at praefuit familiae Cornelius16, libertus eius17.' iam si
in paranda familia nulla suspicio est, quis18 praefuerit19 nihil ad
rem pertinet; sed20 tamen munere servili21 obtulit se ad ferramenta
prospicienda, praefuit vero numquam, eaque res omni
tempore22 per bellum23, Fausti libertum, administrata est.
Click on a word to bring up parses, dictionary entries, and frequency statistics
1 ornarentur Landgraf: ordinarentur codd. (cf. § 75)
2 instruerentur Tπ: instituerentur cett.
3 affuit Ta: abfuit cett.: corr. Halm
4 in om. T
5 iis Tk: his cett.
6 regionibus Tc1: legionibus cett.
7 referebat c2
8 in Ta: om. cett.
9 ista T: ea cett.
10 haec ab illo T: ab eo haec (om. haec a) cett.
11 deberi videmus Tπapk: deberi debemus ςg: videmus deberi bc
12 interpunxit Richter
13 invidiae esset codd.: corr. Lambinus
14 properatum (-rat b2) Tπb2: praeparant cett.
15 est T: om. cett.
16 Cornelius del. Manutius
17 libertus eius (i. e. L. eius) supplevi: notam L (=libertus) excidisse vidit Orelli, qui P. L. (i. e. Publi libertus) coni.
18 quis Ta: quod cett.
19 praefuerit T: praefuit b2ψ1ς: profert cett.
20 sed fort. is
21 Servili Lag. 9, Madvig (melius esset Servi, i. e. Serv. Sullae, cf. § 6)
22 omni tempore hoc loco hab. T. post libert. cett.
23 Balbum E
M. Tullius Cicero. M. Tulli Ciceronis Orationes: Recognovit brevique adnotatione critica instruxit Albertus Curtis Clark. Albert Clark. Oxonii. e Typographeo Clarendoniano. 1909. Scriptorum Classicorum Bibliotheca Oxoniensis.
The National Endowment for the Humanities provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.