23.
[64]
non ita multis ante annis aiunt T. Caelium1 quendam Terracinensem2,
hominem non obscurum, cum cenatus cubitum in idem conclave cum
duobus adulescentibus filiis isset, inventum esse mane iugulatum.
cum neque servus quisquam reperiretur3 neque liber ad quem ea
suspicio pertineret, id aetatis autem duo filii propter cubantes ne
sensisse quidem se dicerent, nomina filiorum de parricidio delata
sunt. quid poterat tam esse4 suspiciosum? neutrumne sensisse?
ausum autem esse quemquam se in id conclave committere eo
potissimum tempore cum ibidem essent duo adulescentes filii qui et
sentire et defendere facile possent? erat porro nemo in quem ea
suspicio conveniret.
[65]
tamen, cum planum iudicibus esset factum
aperto ostio dormientis eos repertos esse, iudicio absoluti
adulescentes et suspicione omni liberati sunt. nemo enim putabat
quemquam esse qui, cum omnia
divina atque humana iura scelere nefario polluisset, somnum statim
capere potuisset5, propterea quod qui tantum facinus commiserunt
non modo sine cura quiescere sed ne spirare quidem sine metu
possunt.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 Caelium Valerius Max. viii. 1. 13: Colelium (Cold- φψ) codd.
2 Terracinensem σπω, Schol.: Tarracinensem cett., Valerius Max. (cf. Schuchardt iii. 103)
3 reperiretur Angelius: reperiebatur codd.
4 tam esse Gruter: sa est ς: sane Aπφω: satis est σχψ suspiciosum Madvig: suspiciosum autem codd.: suspiciosum. Suspiciosum autem coni. Halm
5 potuisset edd. VR: potuisse (-se || ς) codd.: posset Ernesti
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.