13. nomen cognomen moresque suos lecturo indicat
Si patriam nomenque tui vitamque poetae,Lector, et ingenium noscere forte cupis,
Veridico populi vocor ore Hieronimus atque
Sic data sunt vati nomina digna pio.
5Si cognomen aves audire: Bononius ipsa
Nuncupor, id nobis attribuente domo.
Tarvisium gremio me protulit ubere felix,
Urbs Italos nymphis ante dicata locos:
Invia saxosas rapiens per prata fragorem
10Implacidum torquet qua Plavis altus aquas,
Atque secans urbem vicino natus in agro
Caeruleus placido labitur amne Silis,
Nymphaque Butniace crebris ubi fontibus aucta
Percurrit triplici moenia laeta vado.
15Si bona fortunae spectes, miserabilis Irus;
Ditia si parvo pectora, Croesus ero.