This text is part of:
Search the Perseus Catalog for:
Click on a word to bring up parses, dictionary entries, and frequency statistics
2. Futurum hoc. Caesar, ex magna parte sperare
et confidere libet. Tradetur ista animi tui mansuetudo diffundeturque paulatim per omne imperii
corpus, et cuncta in similitudinem tuam formabuntur.
A capite bona valetudo : inde omnia vegeta sunt
atque erecta aut languore demissa, prout animus
eorum vivit aut marcet. Erunt cives, erunt socii
digni hac bonitate, et in totum orbem recti mores
revertentur ; parcetur ubique manibus tuis.
[2]
Diutius
me morari hic patere, non ut blandum auribus tuis
(nec enim hic mihi mos est ; maluerim veris offendere
quam placere adulando) ; quid ergo est ? Praeter
id, quod bene factis dictisque tuis quam familiarissimum esse te cupio, ut, quod nunc natura et impetus
est, fiat iudicium, illud mecum considero multas
voces magnas, sed detestabiles, in vitam humanam
pervenisse celebresque vulgo ferri, ut illam :
" Oderint, dum metuant," cui Graecus versus similis
[p. 434]
est, qui se mortuo terram misceri ignibus iubet, et
alia huius notae.
[3]
Ac nescio quomodo ingenia in1
immani et invisa materia secundiore ore expresserunt
sensus vehementes et concitatos ; nullam adhuc
vocem audii ex bono lenique animosam. Quid ergo
est ? Ut raro, invitus et cum magna cunctatione,
ita aliquando scribas necesse est istud, quod tibi in
odium litteras adduxit, sed, sicut facis, cum magna
cunctatione, cum multis dilationibus.
1 in added by Madvig: ingenia inmania et invisa materia secundiori expresserunt OT corrected by Lipsius.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.