Click on a word to bring up parses, dictionary entries, and frequency statistics
43. inclinatis omnium ad pacem animis Cn.
Lentulus consul, cui classis provincia erat, senatus
consulto intercessit.
[2]
tum M'. Acilius et Q. Minucius
tribuni plebis ad populum tulerunt vellent iuberentne
senatum decernere ut cum Carthaginiensibus pax
fieret; et quem eam pacem dare, quemque ex
Africa exercitum deportare iuberent.
[3]
De pace
'Uti rogas'1 omnes tribus iusserunt; pacem dare
P. Scipionem, eundem exercitum deportare.
[4]
ex
hac rogatione senatus decrevit ut P. Scipio ex decem
legatorum sententia pacem cum populo
[p. 530]
Carthaginiensi quibus legibus ei videretur faceret.
[5]
gratias2 deinde patribus egere Carthaginienses et petierunt ut sibi in urbem introire et colloqui cum civibus suis
liceret qui capti in publica custodia essent;
[6]
esse in iis
partim propinquos amicosque suos, nobiles homines,
partim ad quos mandata a propinquis haberent.
[7]
quibus conventis cum rursus peterent ut sibi quos
vellent ex iis redimendi potestas fieret, iussi nomina
edere;
[8]
et cum ducenta3 ferme ederent, senatus consultum factum est ut legati Romani ducentos ex captivis, quos Carthaginienses vellent, ad P. Cornelium4 in Africam deportarent, nuntiarentque ei ut, si pax convenisset, sine pretio eos Carthaginiensibus redderet.
[9]
fetiales cum in Africam ad foedus feriundum ire iuberentur, ipsis postulantibus senatus consultum in haec verba factum est, ut privos5 lapides silices privasque6 verbenas secum ferrent, ut, ubi7 praetor Romanus iis imperaret ut foedus ferirent, illi praetorem sagmina poscerent. herbae id genus ex arce sumptum fetialibus dari solet.
[10]
ita dimissi ab Roma Carthaginienses cum in
Africam venissent ad Scipionem, quibus ante dictum
[p. 532]
est legibus pacem fecerunt.
[11]
naves longas,8 elephantos, perfugas, fugitivos, captivorum quattuor milia
tradiderunt, inter quos Q. Terentius Culleo senator
fuit.
[12]
naves provectas in altum incendi iussit.
quingentas fuisse omnis generis quae remis agerentur
quidam tradunt; quarum conspectum repente incendium tam lugubre fuisse Poenis quam si9 ipsa Carthago arderet.
[13]
De perfugis gravius quam de fugitivis10 consultum; nominis Latini qui erant
securi percussi, Romani in crucem sublati.
1 rogas c Sigonius: rogatae erant b Froben 2: -asset A5: -assent Aldus: rogant C5?: the entire sentence is om. by A3N3VJK.
2 A.U.C. 553
3 ducenta hertz: -tos JK Aldus: in numerals CBA3N3v Froben 2.
4 Cornelium, to this A3JK Aldus, Froben add Scipionem.
5 privos A3j Eds.: primos A6N3VJK (alt.): prius C1? B.
6 privasque x Aldus, Froben: -masque CBA3N3JK: -mas V.
7 ut, ubi Madvig: et uti C: et, ubi Riemann: uti A3N3BV Aldus, Froben: ubi JK apparently.
8 A.U.C. 553
9 si C1?C2BA3N3VJK Froben 2: si tum cx Aldus.
10 quam de fugitivis CBA3N3VJK Aldus, Froben, Eds.: corrupt according to Koehler, Conway, comparing Val. max. ii. vii. 12, who imitated Livy, perhaps from a text already cor- rupted (since captured slaves could hardly fail to be mentioned here): follows a lacuna, Weissenborn: tamquam de fugitivis coni. Johnson.
Livy. Books XXVIII-XXX With An English Translation. Cambridge. Cambridge, Mass., Harvard University Press; London, William Heinemann, Ltd. 1949: no copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.