Click on a word to bring up parses, dictionary entries, and frequency statistics
59. ingens metus incesserat patres, voltusque
iam iidem1 tribunorum erant qui decemvirorum
fuerant, cum M. Duillius tribunus plebis inhibito
[2?]
salubriter modo nimiae potestati “et libertatis”
inquit, “nostrae et poenarum ex inimicis satis est;
itaque hoc anno nec diem dici cuiquam nec in vincla
duci quemquam sum passurus.
[3]
nam neque vetera2 peccata repeti iam oblitterata placet, cum3 nova expiata sint decemvirorum suppliciis, et nihil admissum iri, quod vim tribuniciam desideret spondet perpetua consulum amborum in libertate vestra
tuenda cura.”
[4]
ea primum moderatio tribuni metum
patribus dempsit, eademque auxit consulum invidiam,
quod adeo toti plebis fuissent ut patrum salutis
libertatisque prior plebeio magistratui quam patricio
cura fuisset, et ante inimicos satietas poenarum
[p. 200]
suarum cepisset quam obviam ituros licentiae eorum4 consules appareret.
[5]
multique erant qui mollius consultum dicerent, quod legum ab iis latarum patres auctores fuissent, neque erat dubium quin turbato rei publicae statu tempori succubuissent.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.