5. tria
tenet oppida toto in orbe terrarum; habet inimicissimam
Galliam; eos etiam quibus confidebat alienissimos, Transpadanos;
Italia omnis infesta est; exterae1 nationes a prima
ora2 Graeciae3 usque ad Aegyptum optimorum et fortissimorum
civium imperiis et praesidiis tenentur. erat ei spes
una4 in C. Antonio qui duorum fratrum aetatibus medius
interiectus vitiis5 cum utroque certabat. is6 tamquam extruderetur
a senatu in Macedoniam et non contra prohiberetur
proficisci, ita cucurrit.
[11]
quae tempestas, di immortales, quae
flamma, quae vastitas, quae pestis Graeciae7, nisi incredibilis
ac divina virtus8 furentis hominis conatum atque audaciam
compressisset! quae celeritas illa Bruti, quae cura, quae
virtus! etsi ne C.9 quidem Antoni celeritas contemnenda
est, quam10 nisi in via caducae hereditates retardassent,
volasse eum, non iter fecisse11 diceres. Alios ad negotium
publicum ire cum cupimus, vix solemus extrudere: hunc
retinentes extrusimus12. at quid ei cum Apollonia, quid cum
Dyrrachio, quid cum Illyrico, quid cum P. Vatini imperatoris
exercitu? succedebat, ut ipse dicebat, Hortensio.
certi fines Macedoniae, certa condicio, certus, si modo erat
ullus13, exercitus: cum Illyrico vero et cum Vatini legionibus
quid erat Antonio?
[12]
'at14 ne Bruto quidem': id enim fortasse
quispiam improbus dixerit. omnes legiones, omnes
copiae quae ubique sunt rei publicae15 sunt: nec enim eae16
legiones quae M. Antonium reliquerunt Antoni potius
quam rei publicae fuisse dicentur17. omne enim et18 exercitus
et imperi ius amittit is qui eo imperio et exercitu rem publicam
oppugnat.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 exterae Vn2: exere n1s: exiere bt
2 a prima ora ed R: a primo ore V: a (ad b) primori bns: ad primũ t (cf Fam. xii 5.1
3 Graecia D
4 spes una D: pecunia V: spes unica coni. Halm
5 vitiis om. D
6 is V: s t: om. bns
7 Graeciae fuisset D
8 virtus Caes. V
9 ne C. Muretus: nec V: ne illa D
10 quem D
11 non interfecisse D
12 extrusimus Muretus: extruimus V: exclusimus D
13 certissimo modo erat illius D
14 at V: an t: ac bns
15 rei p. V: populi R. D
16 neque enim hae D
17 dicentur V: dixerunt t: dicuntur cett.
18 enim et V: enim D
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.