This text is part of:
Click on a word to bring up parses, dictionary entries, and frequency statistics
26.
Haud multo post Cocceius Nerva, continuus principi,
omnis divini humanique iuris sciens, integro statu, corpore
inlaeso, moriendi consilium cepit. quod ut Tiberio cognitum, adsidere, causas requirere, addere preces, fateri postremo grave conscientiae, grave famae suae, si proximus
amicorum nullis moriendi rationibus vitam fugeret. aversatus sermonem Nerva abstinentiam cibi coniunxit. ferebant gnari cogitationum eius, quanto propius mala rei
publicae viseret, ira et metu, dum integer, dum intemptatus,
honestum finem voluisse.
Ceterum Agrippinae pernicies, quod vix credibile, Plancinam traxit. nupta olim Cn. Pisoni et palam laeta morte
Germanici, cum Piso caderet, precibus Augustae nec minus
inimicitiis Agrippinae defensa erat. ut odium et gratia
desiere, ius valuit; petitaque criminibus haud ignotis sua
manu sera magis quam immerita supplicia persolvit.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.