1.
Pandite iam portas, miseri, et subducite pontes;Nam Federicus adest, quem Gebelina sequor.
2. Laurentius Collensis in ducem Calabriae Collem obsidentem
Dic, quid fulmineis evertis moenia bombis?Pro muris stabunt pectora Colligenum.
3. Hyeronimus Columna qui sub duce Calabriae | merebat in Collem obsessum
Diruta cesserunt bombis tua moenia: cedentDiruta sic nostris pectora pectoribus.
4. Laurentius Collensis in ducem Calabriae
Perfacile est putres tormentis rumpere muros,At fortes animos frangere difficile.
5. Laurentius Collensis in ducem Calabriae
Dirue tecta, domos, villas et templa deorum:Non deerit Tuscis nostra fides patribus.
6. idem ad eundem
Quid laqueum, remos, praedas et vincla minaris?Scit populus noster vincere sive mori.
7. Laurentius Collensis ad ducem Calabriae Colle expugnato
Moenia nunc sileant gentes devicta SaguntiAtque Syracusii bella cruenta soli;
Nulla Numantini memorentur fama triumphi
Et sileant fides moenia Massiliae:
5Plus Collem vicisse fuit. De Colle loquantur:
Alphonso cessit Martia terra duci.
8. idem ad Federicum Urbini ducem capto Colle
Quod fundis Tuscas gentes, quod Marte cruentoPulsas munito moenia celsa loco,
Haec est, o Federice, tuae quota portio famae:
Quod vincis Collem maxima summa fuit.