Click on a word to bring up parses, dictionary entries, and frequency statistics
Ὅταν ἀπίδω ὅτι ὁ μὲν πειρασμὸς κατὰ πάσης
ἤδη κέχυται τῆς οἰκουμένης,
καὶ αἱ μέγισται τῶν
ἐπὶ Συρίας πόλεων τῶν ἴσων ὑμῖν 2 πεπείρανται
παθημάτων,
οὐ πανταχοῦ δὲ οὕτω δόκιμον καὶ
διαπρεπὲς ἐπ̓ ἀγαθοῖς ἔργοις τὸ βουλευτήριον,
ὡς
τὸ ὑμέτερον νῦν ἐπὶ τῇ σπουδῇ τῶν ἀγαθῶν
ἔργων διαβεβόηται,
ἐγγύς εἰμι καὶ χάριν ἔχειν 3
τοῖς οἰκονομηθεῖσιν.
εἰ γὰρ μὴ ἐγεγόνει ἡ θλίψις
αὕτη,
οὐκ ἂν ὑμῶν διεφάνη τὸ δόκιμον.
ὥστε
ἔοικεν,
ὅπερ ἐστὶ κάμινος χρυσῷ,
τοῦτο εἶναι η（
ὑπὲρ τῆς εἰς Θεὸν ἐλπίδος θλίψις τοῖς ἀντιποιουμένοις τινὸς ἀρετῆς.
Ἄγε οὖν,
ὦ θαυμάσιοι,
ὅπως τοῖς προπεπονημένοις
ἄξια ἐπαγάγητε τὰ ἑπόμενα,
καὶ φανῆτε
μεγάλῃ κρηπῖδι ἀξιολογωτέραν ἐπιτιθέντες τὴν
[p. 472]
κορυφήν,
4 καὶ περίστητε μὲν τὸν ποιμένα τῆς
ἐκκλησίας,
ὅταν δῷ ὁ Κύριος αὐτὸν ἐπὶ τῶν ἰδίων 5
φανῆναι θρόνων,
6 ἄλλος ἄλλο τι τῶν ὑπὲρ τῆς
Ἐκκλησίας τοῦ Θεοῦ πεπολιτευμένων ἡμῖν 7
διηγούμενοι,
ἐν δὲ τῇ μεγάλῃ τοῦ Κυρίου ἡμέρᾳ
ἕκαστος κατὰ τὴν ἀναλογίαν τῶν πεπονημένων
παρὰ τοῦ μεγαλοδώρου Θεοῦ δεχόμενοι τὴν ἀντίδοσιν.
ἡμῶν δὲ μεμνημένοι καὶ ἐπιστέλλοντες
ὁσάκις ἂν ᾖ δυνατόν,
δίκαιά τε ποιήσετε τοῖς
ἴσοις ἡμᾶς ἀμειβόμενοι,
καὶ ἅμα οὐ μικρῶς 8 ἡμᾶς
εὐφρανεῖτε,
τῆς ἡδίστης ἡμῖν φωνῆς ὑμῶν ἐναργῆ
σύμβολα διὰ τῶν γραμμάτων διαπεμπόμενοι.
