Click on a word to bring up parses, dictionary entries, and frequency statistics
Πάντες οὖν οἱ πιστοὶ καλοὶ καὶ θεοπρεπεῖς
καὶ τῆς προσηγορίας ἄξιοι, ἣν ὥσπερ διάδημα
περίκεινται. οὐ μὴν ἀλλ̓ εἰσὶν ἤδη τινὲς καὶ
τῶν ἐκλεκτῶν ἐκλεκτότεροι, καὶ τοσούτῳ μᾶλλον
ᾗ 1 ἧττον ἐπίσημοι, τρόπον τινὰ ἐκ τοῦ κλύδωνος
τοῦ κόσμου νεωλκοῦντες ἑαυτοὺς καὶ ἐπανάγοντες
ἐπ̓ ἀσφαλές, οὐ βουλόμενοι δοκεῖν ἅγιοι, κἂν εἴπῃ
τις, αἰσχυνόμενοι, ἐν βάθει γνώμης ἀποκρύπτοντες
τὰ ἀνεκλάλητα μυστήρια, καὶ τὴν αὑτῶν εὐγένειαν
ὑπερηφανοῦντες ἐν κόσμῳ βλέπεσθαι, οὓς ὁ λόγος
‘φῶς τοῦ κόσμου’ καὶ ‘ἅλας τῆς γῆς’ καλεῖ.
τοῦτ̓ ἔστι τὸ σπέρμα, εἰκὼν καὶ ὁμοίωσις θεοῦ, καὶ
τέκνον αὐτοῦ γνήσιον καὶ κληρονόμον, ὥσπερ ἐπί
τινα ξενιτείαν ἐνταῦθα πεμπόμενον ὑπὸ μεγάλης
οἰκονομίας καὶ ἀναλογίας τοῦ πατρός: δἰ ὃ 2 καὶ τὰ
φανερὰ καὶ τὰ ἀφανῆ τοῦ κόσμου δεδημιούργηται,
τὰ μὲν εἰς δουλείαν, τὰ δὲ εἰς ἄσκησιν, τὰ δὲ εἰς
μάθησιν αὐτῷ, καὶ πάντα, μέχρις ἂν ἐνταῦθα τὸ
σπέρμα μένῃ, συνέχεται, καὶ συναχθέντος αὐτοῦ
πάντα 3 τάχιστα λυθήσεται.
[p. 346]
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.