This text is part of:
Search the Perseus Catalog for:
Table of Contents:
Click on a word to bring up parses, dictionary entries, and frequency statistics
Καὶ πόσῳ χρησιμώτερον τὸ ἐναντίον, ἱκανὰ
κεκτημένον αὐτόν τε περὶ τὴν κτῆσιν μὴ κακοπαθεῖν
καὶ οἷς καθῆκεν ἐπικουρεῖν; τίς γὰρ ἂν κοινωνία
καταλείποιτο παρὰ ἀνθρώποις, εἰ μηδεὶς ἔχοι μηδέν;
[p. 296]
πῶς δ̓ ἂν τοῦτο τὸ δόγμα πολλοῖς ἄλλοις καὶ καλοῖς
τοῦ κυρίου δόγμασιν οὐχὶ φανερῶς ἐναντιούμενον
εὑρίσκοιτο καὶ μαχόμενον; ‘ποιήσατε ἑαυτοῖς
φίλους ἐκ τοῦ μαμωνᾶ τῆς ἀδικίας, ἵν̓ ὅταν ἐκλίπῃ,
δέξωνται ὑμᾶς εἰς τὰς αἰωνίους σκηνάς.’ ‘κτήσασθε
θησαυροὺς ἐν οὐρανῷ, ὅπου μήτε σὴς μήτε
βρῶσις ἀφανίζει μήτε κλέπται διορύσσουσι.’ πῶς
ἄν τις πεινῶντα τρέφοι καὶ διψῶντα ποτίζοι καὶ
γυμνὸν σκεπάζοι καὶ ἄστεγον συνάγοι, ἃ τοῖς μὴ
ποιήσασιν ἀπειλεῖ πῦρ καὶ σκότος τὸ ἐξώτερον, εἰ
πάντων αὐτὸς ἕκαστος φθάνοι τούτων ὑστερῶν;
ἀλλὰ μὴν αὐτός τε ἐπιξενοῦται Ζακχαίῳ καὶ Λευεὶ 1
καὶ Ματθαίῳ τοῖς πλουσίοις καὶ τελώναις, καὶ τὰ
μὲν χρήματα αὐτοὺς οὐ κελεύει μεθεῖναι, τὴν δὲ
δικαίαν χρῆσιν 2 ἐπιθεὶς καὶ τὴν ἄδικον ἀφελὼν
καταγγέλλει: ‘σήμερον σωτηρία τῷ οἴκῳ τούτῳ.’
οὕτω τὴν χρείαν αὐτῶν ἐπαινεῖ, ὥστε καὶ μετὰ τῆς
προσθήκης ταύτης τὴν κοινωνίαν ἐπιτάσσει, ποτίζειν
τὸν διψῶντα, ἄρτον διδόναι τῷ πεινῶντι, ὑποδέχεσθαι
τὸν ἄστεγον, ἀμφιεννύναι τὸν γυμνόν. εἰ δὲ
τὰς χρείας οὐχ οἷόν τε ἐκπληροῦν ταύτας μὴ ἀπὸ
χρημάτων, τῶν δὲ χρημάτων ἀφίστασθαι κελεύει, τί
ἂν ἕτερον εἴη ποιῶν ὁ κύριοσἢ 3 τὰ αὐτὰ διδόναι
τε καὶ μὴ διδόναι παραινῶν, τρέφειν καὶ μὴ τρέφειν,
ὑποδέχεσθαι καὶ ἀποκλείειν, κοινωνεῖν καὶ μὴ
κοινωνεῖν, ὅπερ ἁπάντων ἀλογώτατον;
[p. 298]
Clement of Alexandria. G.W. Butterworth. Clement of Alexandria, with an English Translation by G.W. Butterworth. William Heinemann Ltd; G.P. Putnam's Sons. London; New York. 1919. Keyboarding.
Google Digital Humanities Awards Program provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.