Click on a word to bring up parses, dictionary entries, and frequency statistics
τοὺς δὲ καὶ ποιητικοῖς ὀνόμασιν, ὦ καλὲ Φίλων,
ἐν ἱστορίᾳ χρωμένους ποῦ δ᾽ ἄν τις θείη, τοὺς λέγοντας,
‘ἐλέλιξε μὲν ἡ μηχανή, τὸ τεῖχος δὲ πεσὸν μεγάλως ἐδούπησε,’
καὶ πάλιν ἐν ἑτέρῳ μέρει τῆς καλῆς ἱστορίας:
‘Ἔδεσσα μὲν δὴ οὕτω τοῖς ὅπλοις περιεσμαραγεῖτο καὶ
ὄτοβος ἦν καὶ κόναβος ἅπαντα ἐκεῖνα,’ καὶ ‘ὁ στρατηγὸς
ἐμερμήριζεν ᾧ τρόπῳ μάλιστα προσαγάγοι πρὸς τὸ
τεῖχος.’ εἶτα μεταξὺ οὕτως εὐτελῆ ὀνόματα καὶ δημοτικὰ
καὶ πτωχικὰ πολλὰ παρενεβέβυστο, τό ‘ἐπέστειλεν ὁ
στρατοπεδάρχης τῷ κυρίῳ,’ καί ‘οἱ στρατιῶται ἠγόραζον
τὰ ἐγχρῄζοντα,’ καί ‘ἤδη λελουμένοι περὶ αὐτοὺς
ἐγίγνοντο,’ καὶ τὰ τοιαῦτα: ὥστε τὸ πρᾶγμα ἐοικὸς εἶναι
[31]
τραγῳδῷ τὸν ἕτερον μὲν πόδα ἐπ᾽ ἐμβάτου ὑψηλοῦ
βεβηκότι, θάτερον δὲ σανδάλῳ ὑποδεδεμένῳ.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.