Click on a word to bring up parses, dictionary entries, and frequency statistics
[37]
Sophocles poeta Euripidi aemulus et superstes, uixit
enim ad extremam senectam, cum igitur accusaretur a
filio suomet dementiae, quasi iam per aetatem desiperet,
protulisse dicitur Coloneum suam, peregregiam tragoediarum, quam forte tum in eo tempore conscribebat, eam
iudicibus legisse nec quicquam amplius pro defensione
sua addidisse, nisi ut audacter dementiae condemnarent,
si carmina senis displicerent. ibi ego comperior omanis [p. 42]
iudices tanto poetae adsurrexisse, miris laudibus eum
tulisse ob argumenti sollertiam et coturnum facundiae,
nec ita multum omnis afuisse quin accusatorem potius
dementiae condemnarent.
Inuenisti tu librum? beasti. cedo enim experiamur,
an et mihi possint in iudicio litterae meae prodesse.
lege pauca de principio, dein quaedam de piscibus. at
tu interea, dum legit, taquamquam sustine.—
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.