Hide browse bar Your current position in the text is marked in blue. Click anywhere in the line to jump to another position:
book:
Liber XIV
Liber XV
Liber XVI
Liber XVII
Liber XVIII
LIBER XIX
Liber XX
Liber XXI
Liber XXII: Julianus
Liber XXIII
Liber XXIIII
Liber XXV
Liber XXVI
Liber XXVII
Liber XXVIII
Liber XXIX
Liber XXX
Liber XXXI
Anonymi Valesiani Pars Prior: origo Constantini Imperatoris
Anonymi Valesiani pars posterior: Chronica Theodericiana
chapter:
This text is part of:
Search the Perseus Catalog for:
Table of Contents:
Liber XX
Click on a word to bring up parses, dictionary entries, and frequency statistics
Alamanni, fusis acie Romanis, Chariettonem et Severianum comites interficiunt.
Dum per eoum orbem haec, quae narravimus, diversi rerum expediunt casus, Alamanni post aerumnosas iacturas et vulnera, quae congressi saepe Iuliano Caesari pertulerunt, viribus tandem resumptis, licet imparibus pristinis, ob causam expositam supra Gallicanos limites formidati iam persultabant. Statimque post Kalendas Ianuarias, cum per glaciales tractus hiemis rigidum inhorresceret sidus, cuneatim egressa, multitudo licentius vagabatur. [2] Horum portioni primae Charietto, tunc per utramque Germaniam comes, occursurus cum milite egreditur ad bella ineunda promptissimo, adscito in societatem laboris Severiano itidem comite, invalido et longaevo, qui apud Cabillona 1 [p. 4] Divitensibus praesidebat et Tungricanis. [3] Proinde confertius agmine in unum coacto, ponteque brevioris aquae festina 2 celeritate transmisso, visos eminus barbaros, Romani sagittis aliisque levibus iaculis incessebant, quae illi reciprocis iactibus valide contorquebant. [4] Ubi vero turmae congressae strictis conflixere mucronibus, nostrorum acies impetu hostium acriore concussa nec resistendi nec faciendi fortiter copiam repperit, cunctis metu compulsis in fugam, cum Severianum vidissent equo deturbatum, missilique telo perfossum. 3 [5] Ipse denique Charietto, dum cedentes obiectu corporis et vocis obiurgatorio 4 sonu audentius retinet, 5 pudendumque diluere dedecus fiducia diu standi conatur, oppetit telo letali confossus. 6 [6] Post cuius interitum, Erulorum Batavorumque vexillum direptum, quod insultando tripudiantes barbari crebro sublatum altius ostendebant, post certamina receptum est magna.
1 Cabillona, Hadr. Val.; calidona, V.
2 festina, Kellerbauer, C. F. W. M.; summa, Pet.; firma, V.
3 perfossum, N, Bent., Kiess.; per os fixum, EAG; peroffessum, V.
4 obiurgatorio, N, Kiess.; iurgatorio, V (cf. of- in note 2).
5 retinet, Val.; pertinet, V, restored by Pet.
6 confossus, Eyssen.; confixus, EAG; confusu, V.
Ammianus Marcellinus. With An English Translation. John C. Rolfe, Ph.D., Litt.D. Cambridge. Cambridge, Mass., Harvard University Press; London, William Heinemann, Ltd. 1935-1940.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.