Hide browse bar Your current position in the text is marked in blue. Click anywhere in the line to jump to another position:
book:
Liber XIV
Liber XV
Liber XVI
Liber XVII
Liber XVIII
LIBER XIX
Liber XX
Liber XXI
Liber XXII: Julianus
Liber XXIII
Liber XXIIII
Liber XXV
Liber XXVI
Liber XXVII
Liber XXVIII
Liber XXIX
Liber XXX
Liber XXXI
Anonymi Valesiani Pars Prior: origo Constantini Imperatoris
Anonymi Valesiani pars posterior: Chronica Theodericiana
chapter:
This text is part of:
Search the Perseus Catalog for:
Table of Contents:
Liber XX
Click on a word to bring up parses, dictionary entries, and frequency statistics
Pestilentia Amidae orta, intra decimum diem exiguo imbre sedatur. Et de causis acgeneribus pestilentiae.
Sed in civitate, ubi sparsorum per vias cadaverum multitude humandi officia superaret, pestilentia tot malis accessit, verminantium corporum lue tabifica, vaporatis aestibus varioque plebis languore nutrita, quae genera morborum unde oriri solent breviter explicabo. [2] Nimietatem frigoris aut caloris, vel umoris vel siccitatis, pestilentias gignere philosophi et illustres medici tradiderunt. Unde accolentes loca palustria vel umecta tusses et oculares 1 casus et similia perferunt, contra confines caloribus tepore 2 febrium arescunt. 3 Sed quanto ignis materies ceteris est efficacior, 4 tanto ad perimendum celerior siccitas. [3] Hinc cum decennali bello Graecia desudaret, ne peregrinus poenas dissociati regalis matrimonii lucraretur, huius modi grassante pernicie, telis Apollinis periere complures (qui sol aestimatur). [4] Atque ut Thucydides exponit, clades illa, quae in Peloponnesiaci belli principiis Athenienses acerbo genere morbi vexavit, ab usque ferventi Aethiopiae [p. 488] plaga paulatim proserpens, Atticam occupavit. [5] Aliis placet auras (ut solent) aquasque vitiatas faetore cadaverum, vel similibus, salubritatis violare maximam partem, vel certe aeris permutationem subitam aegritudines parere leviores. [6] Affirmant etiam aliqui, terrarum halitu densiore crassatum aera, emittendis corporis spiraminibus resistentem, necare non nullos, qua causa animalia praeter homines cetera iugiter prona, Homero auctore, et experimentis deinceps multis, cum talis incesserit labes, ante novimus interire. [7] Et prima species luis pandemus appellatur, quae efficit in aridioribus locis agentes, caloribus crebris interpellari, secunda epidemus, quae tempore ingruens, acies hebetat luminum, et concitat periculosos umores, tertia loemodes, quae itidem temporaria est, sed volucri velocitate letabilis. [8] Hac exitiali peste quassatis, 5 paucis intemperantia aestuum 6 consumptis, quos multitude augebat, tandem nocte quae diem consecuta est decimum, exiguis imbribus disiecto concreto spiritu et crassato, sospitas retenta est corporum firma. [p. 490]
1 humecta fusses et oculares, Lind.; umectatus sese ioculares, V.
2 tepore, G; tempore, V.
3 arescunt, G; arescentes, V; lac. after arescentes, Novák; arescunt frequentes, Her.
4 materia est acrior ceteris et efficacior suggested by Novák.
5 quassatis, Dederichs, Pet.; quassati, V.
6 intem. perantia aestuum, Her.; intemperanti (second n added by V2) aestu, V.
Ammianus Marcellinus. With An English Translation. John C. Rolfe, Ph.D., Litt.D. Cambridge. Cambridge, Mass., Harvard University Press; London, William Heinemann, Ltd. 1935-1940.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.