Click on a word to bring up parses, dictionary entries, and frequency statistics
2. Hispaniae deinde utriusque legati aliquot
populorum in senatum1 introducti.
[2]
ii de magistratuum2 Romanorum avaritia superbiaque conquesti, nixi genibus ab senatu petierunt ne se socios foedius spoliari vexarique quam hostes3 patiantur.
[3]
cum et alia indigna quererentur, manifestum autem esset pecunias captas, L. Canuleio praetori, qui Hispaniam sortitus erat, negotium datum est ut in singulos, a
quibus Hispani pecunias repeterent, quinos recuperatores4 ex ordine senatorio daret patronosque quos vellent sumendi potestatem faceret.
[4]
vocatis in curiam legatis recitatum est senatus consultum, iussique nominare patronos.
[5]
quattuor
[p. 8]
nominaverunt, M. Porcium Catonem, P. Cornelium Cn. F. Scipionem,5 L. Aemilium L. F. Paulum,6 C. Sulpicium Gallum. cum M. Titinio primum,
[6]
qui praetor A. Manlio M. Iunio consulibus in citeriore Hispania fuerat, recuperatores sumpserunt. bis7 ampliatus, tertio absolutus est reus.
[7]
dissensio inter duarum provinciarum legatos est orta8 ; citerioris Hispaniae populi M. Catonem et P.9 Scipionem, ulterioris L. Paulum et Gallum Sulpicium patronos sumpserunt.
[8]
ad recuperatores adducti a citerioribus populis P. Furius Philus, ab ulterioribus M. Matienus;
[9]
ille Sp. Postumio Q. Mucio consulibus triennio ante, hic biennio10 prius L. Postumio M.11 Popilio consulibus praetor fuerat.
[10]
gravissimis criminibus accusati ambo ampliatique; cum dicenda de integro causa esset, excusati12 exilii causa solum vertisse. Furius Praeneste, Matienus Tibur exulatum abierunt.
[11]
fama [p. 10] erat prohiberi a patronis nobiles ac potentes compellare;13 auxitque14 eam suspicionem Canuleius praetor, quod omissa ea re dilectum habere instituit, dein repente in provinciam abiit, ne15 plures ab Hispanis vexarentur.
[12]
ita praeteritis silentio obliteratis in futurum tamen consultum ab16 senatu Hispanis, quod impetrarunt, ne frumenti aestimationem magistratus Romanus haberet neve cogeret vicensimas vendere Hispanos, quanti ipse vellet,17 et ne praefecti in oppida sua ad pecunias cogendas imponerentur.
1 senatum Sigonius: senatu V.
2 Ii de magistratuum Fr: idemmagistratuum V.
3 hostes Fr: hostiis V.
4 recuperatores Fr: recuperarent V.
5 A.U.C. 583
6 Scipionem, L. Aemilium L. F. Paulum pighius: scipiol. aemiliumin. paulu V.
7 bis Fr: vis V.
8 est orta Fr: estora V.
9 P. add. H. J. Müller: om. V.
10 hi biennio Fr: hincuiennio V.
11 M. Fr: C. V.
12 excusati Fr: excusatio V.
13 A.U.C. 583
14 auxitque eam Fr: auxiadque V: atque auxit hartel.
15 abiit, ne Fr: abitinere V.
16 tamen consultum ab kreyssig: consultamentumab V.
17 Hispanos, quanti ipse vellet Fr: hispanonisquantiipsevellent V.
Livy. Books XLIII-XLV With An English Translation. Cambridge. Cambridge, Mass., Harvard University Press; London, William Heinemann, Ltd. 1951: published without copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.