Click on a word to bring up parses, dictionary entries, and frequency statistics
35. incohata res iam ante de Masinissa aliis
atque aliis de causis dilata erat, quod Numida cum
ipso utique congredi Scipione volebat atque eius
dextra fidem sancire; ea tum itineris tam longi ac
tam devii causa Scipioni fuit.
[2]
Masinissa cum
Gadibus esset, certior adventare eum a Marcio factus,
causando corrumpi equos inclusos in insula penuriamque omnium rerum et facere ceteris et ipsos sentire,
ad hoc equitem marcescere desidia,
[3?]
Magonem1 perpulit ut se traicere in continentem ad depopulandos proximos Hispaniae agros pateretur.
[4]
transgressus tres principes Numidarum praemittit ad
[p. 142]
tempus locumque conloquio statuendum. duos pro2 obsidibus retineri ab Scipione iubet; remisso tertio qui quo iussus erat adduceret Masinissam, cum paucis
in conloquium venerunt.
[5]
ceperat iam ante Numidam
ex fama rerum gestarum admiratio viri, substitueratque animo speciem quoque corporis amplam ac
magnificam;
[6]
ceterum maior praesentis veneratio
cepit, et, praeterquam quod suapte natura multa
maiestas inerat, adornabat promissa caesaries habitusque corporis non cultus munditiis, sed virilis vere
ac militaris,
[7?]
et aetas erat in medio virium robore,
quod plenius nitidiusque ex morbo velut renovatus
flos iuventae faciebat.
[8]
prope attonitus ipso congressu Numida gratias de
fratris filio remisso agit. ex. eo tempore adfirmat
eam se quaesisse occasionem quam tandem oblatam
deum immortalium beneficio non omiserit.
[9]
cupere
se illi populoque Romano operam navare ita ut nemo
unus externus magis enixe adiuverit rem Romanam.
[10]
id se, etiamsi iam pridem vellet, minus praestare in
Hispania, aliena atque ignota terra,3 potuisse; in
qua autem genitus educatusque in spem paterni regni
esset, facile praestaturum.
[11]
si quidem eundem
Scipionem ducem in Africam Romani mittant, satis
sperare perbrevis aevi Carthaginem esse.
[12]
laetus
eum Scipio vidit audivitque, cum caput rerum in
omni hostium equitatu Masinissam fuisse sciret, et
[p. 144]
ipse iuvenis specimen animi prae se ferret. fide4 data acceptaque profectus retro Tarraconem est.
[13]
Masinissa permissu Romanorum, ne sine causa
traiecisse in continentem videretur, populatus proximos agros Gades rediit.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.