37.
[101]
his lacrimis non commovetur1 Milo—est quodam incredibili
robore animi—exsilium ibi esse putat ubi virtuti
non sit locus; mortem naturae finem esse, non poenam.
sit2 hic ea mente qua natus est: quid? vos, iudices, quo
tandem eritis animo3? memoriam Milonis retinebitis, ipsum
eicietis? et erit dignior locus ullus in terris4 qui hanc
virtutem excipiat quam hic qui procreavit? vos5, vos appello,
fortissimi viri, qui multum pro re publica sanguinem6
effudistis; vos, inquam, in civis7 invicti periculo appello8, centuriones,
vosque, milites: vobis non modo inspectantibus
sed etiam armatis et huic iudicio praesidentibus haec tanta
virtus ex hac urbe expelletur, exterminabitur, proicietur?
O me miserum, o me infelicem!
[102]
revocare tu9 me in
patriam, Milo, potuisti per hos, ego te in patria per eosdem
retinere non potero? quid respondebo liberis meis qui te
parentem alterum putant10? quid tibi, Quinte frater, qui nunc
abes, consorti mecum temporum illorum? mene non potuisse
Milonis salutem tueri per eosdem per quos nostram
ille servasset? at in qua causa non potuisse? quae est
grata omnibus11 gentibus12. A quibus13 non potuisse14? ab eis
qui maxime P. Clodi morte acquierunt. quo deprecante?
me.
[103]
quodnam ego concepi tantum scelus aut quod in me
tantum facinus admisi, iudices, cum illa indicia communis
exiti indagavi, patefeci, protuli, exstinxi? omnes mihi
meisque15 redundant ex fonte illo dolores. quid me reducem
esse voluistis? an ut inspectante16 me expellerentur
ei17 per quos essem restitutus? nolite, obsecro vos, acerbiorem
mihi pati reditum esse quam fuerit ille ipse discessus.
nam qui possum putare me restitutum18, si
distrahor19 ab his per quos restitutus sum?
Click on a word to bring up parses, dictionary entries, and frequency statistics
3 eritis animo BH: animo eritis cett.
4 ullus in terris ςBH: in terris ullus TEδ
5 vos semel hab. E
7 vos, inquam, in civis scripsi: vos inquam et civis (-es H) BH: vos in viri et in civis cett.
8 peric. appello ςBH: appello peric. Tδ
9 tu post potuisti hab. T
10 qui ... putant om. Schol.
11 omnibus.
12 grata omnibus gentibus Garat.: grã ingentibus H: fort. gratia ingenti omnibus in gentibus
13 At quibus iudicantibus post gent. inser. Madvig
14 a quibus non potuisse? ab eis ςBHb2: non potuisse eis cett.
15 mihi meisque ςBH: in me meosque cett.
16 spectante B
17 hi Eb
M. Tullius Cicero. M. Tulli Ciceronis Orationes: Recognovit breviqve adnotatione critica instrvxit Albertus Curtis Clark Collegii Reginae Socius. Albert Curtis Clark. Oxford. e Typographeo Clarendoniano. 1918. Scriptorum Classicorum Bibliotheca Oxoniensis.
The National Endowment for the Humanities provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.