M. Tullius Cicero, For Milo, chapter 36

Home Collections/Texts Perseus Catalog Research Grants Open Source About Help

Hide browse bar Your current position in the text is marked in blue. Click anywhere in the line to jump to another position:

This text is part of:

Search the Perseus Catalog for:

View text chunked by:

text : chapter : section
text : section

36. [99] haec tu mecum saepe his absentibus, sed isdem audientibus haec ego tecum, Milo: 'te quidem, cum isto animo sis ¹, satis laudare non possum, sed, quo est ista ² magis divina virtus, eo maiore a te dolore divellor. nec vero, si mihi eriperis ³, reliqua est illa saltem ⁴ ad consolandum querela ⁵ ut eis ⁶ irasci possim a quibus tantum volnus accepero. non enim inimici mei te mihi eripient, sed amicissimi, non male aliquando de me meriti, sed semper optime.' nullum mihi umquam, iudices⁷, tantum dolorem inuretis—tametsi ⁸ quis potest esse tantus?—sed ne hunc quidem ipsum ut obliviscar quanti me semper feceritis. quae si vos cepit ⁹ oblivio ¹⁰ aut si in me aliquid offendistis, cur non id in ¹¹ meo capite potius luitur quam Milonis? praeclare enim vixero, si quid mihi acciderit prius quam hoc tantum mali videro. nunc me una consolatio sustentat, quod tibi, T. [100] Anni, nullum a me amoris, nullum studi, nullum pietatis officium defuit. ego inimicitias potentium pro te appetivi; ego meum saepe corpus et vitam obieci armis inimicorum tuorum; ego me plurimis pro te supplicem abieci; bona, fortunas meas ac liberorum meorum in communionem tuorum temporum ¹² contuli; hoc denique ipso die, si qua ¹³ vis est parata, si qua ¹⁴ dimicatio ¹⁵ capitis futura, deposco. quid iam restat? quid habeo quod faciam ¹⁶ pro tuis in me meritis nisi ut eam fortunam quaecumque erit tua ducam meam? non abnuo, non recuso ¹⁷, vosque obsecro, iudices, ut vestra beneficia quae in me contulistis aut in huius salute ¹⁸ augeatis aut in eiusdem exitio occasura esse videatis.

1 sis H: es ETδ

2 ista ςH: illa cett.

3 eripieris b2

4 saltem ςHw: tamen ETδ

5 querella H

6 eis his E

7 umq. iud. mihi Tδ

8 tametsi H: etsi ETδ

9 ceperit ς

10 oblivio mei H: fort. quod si ... obl. mei (contra Arusian. K. vii. 497)

11 id in H: om. in ETδ

12 temporum om. E

13 si qua ςBH: si quae cett.

14 si qua ςBHE: si quae Tδ

15 dimicatio diminutio E

16 quod fac. ςBHb2: quid fac. cett.

17 non abnuo, non recuso ςBH: non recuso, non abnuo Tδ

18 salutem BH

M. Tullius Cicero. M. Tulli Ciceronis Orationes: Recognovit breviqve adnotatione critica instrvxit Albertus Curtis Clark Collegii Reginae Socius. Albert Curtis Clark. Oxford. e Typographeo Clarendoniano. 1918. Scriptorum Classicorum Bibliotheca Oxoniensis.

The National Endowment for the Humanities provided support for entering this text.

This work is licensed under a Creative Commons Attribution-ShareAlike 3.0 United States License.

An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.

Greek Display:
Arabic Display:
View by Default:
Browse Bar:

M. Tullius Cicero, For Milo
Albert Clark, Albert Curtis Clark, Ed.

This text is part of:

Search the Perseus Catalog for:

View text chunked by:

Table of Contents:

M. Tullius Cicero, For Milo Albert Clark, Albert Curtis Clark, Ed.

This text is part of:

Search the Perseus Catalog for:

View text chunked by:

Table of Contents:

M. Tullius Cicero, For Milo
Albert Clark, Albert Curtis Clark, Ed.