24. quid? quae postea sunt
in eum congesta, quae quamvis etiam mediocrium delictorum
conscientiam1 perculissent, ut sustinuit, di immortales!
sustinuit? immo vero ut contempsit ac pro nihilo putavit,
quae neque maximo animo nocens neque innocens nisi
fortissimus vir neglegere potuisset! scutorum, gladiorum,
pilorum, frenorum2 etiam multitudo deprehendi posse
indicabatur; nullum in urbe vicum, nullum angiportum
esse dicebant in quo non Miloni conducta3 esset domus;
arma in villam Ocriculanam devecta Tiberi, domus in clivo
Capitolino scutis referta4, plena omnia malleolorum5 ad urbis
incendia comparatorum: haec non delata solum, sed paene
credita, nec ante repudiata sunt quam quaesita.
[65]
laudabam equidem incredibilem diligentiam Cn. Pompei,
sed dicam, ut sentio, iudices. nimis multa audire6
coguntur neque aliter facere possunt ei7 quibus commissa
tota res publica est8. quin etiam fuit audiendus9 popa Licinius
nescio qui de circo maximo, servos Milonis apud se ebrios
factos sibi confessos se10 de interficiendo Cn.11 Pompeio coniurasse,
dein12 postea se gladio percussum esse ab uno de
illis ne indicaret. Pompeio nuntiatur in hortos13; arcessor
in primis; de amicorum sententia rem defert ad senatum.
non poteram in illius mei patriaeque custodis tanta suspicione
non metu exanimari, sed mirabar tamen credi popae,
confessionem servorum audiri, volnus in latere quod acu
punctum videretur pro ictu gladiatoris probari14.
[66]
verum,
ut intellego, cavebat magis Pompeius quam timebat, non
ea solum quae timenda erant, sed omnia, ne vos aliquid
timeretis. oppugnata domus C. Caesaris, clarissimi ac15 fortissimi
viri, multas16 noctis horas nuntiabatur: nemo audierat
tam celebri loco, nemo senserat; tamen audiebatur17. non
poteram Cn. Pompeium, praestantissima18 virtute virum,
timidum suspicari; diligentiam pro19 tota re publica suscepta20
nimiam nullam putabam. frequentissimo senatu nuper in
Capitolio senator inventus est qui Milonem cum telo esse
diceret. nudavit se in sanctissimo templo, quoniam vita
talis et civis et viri fidem non faciebat, ut eo tacente res
ipsa loqueretur. omnia false21 atque invidiose22 ficta comperta
sunt: tametsi23 metuitur etiam nunc Milo24.
Click on a word to bring up parses, dictionary entries, and frequency statistics
1 quamvis ... conscientiam (-a H) Hδ: quemvis ... conscientia ETW: quemvis etiam in med. del. conscientia Ernesti
2 pilorum, frenorum ςBH: frenorum pilorumque ETδ
3 Mil. cond. non T
4 refertas Heumann
6 cog. audire E
8 comm. tota res p. est (rei p.) ςH: tota comm. est res. p. cett.
9 fuit aud. Baiter: fuerit aud. ςHET: aud. sit δ: aud. fuit k, Angelius
10 se ςH, ut voluit Heumann: esse cett.
13 nuntiatur in hortos H: in hortos nuntiavit cett.
16 multas ςH: per multas cett.
17 aud. a senatu H
20 susceptam Gulielmius
22 invidiose unus Ox.: insidiose ςH: insidiosa ETδ
23 tametsi scripsi: cum tamen si codd. (cum ex q~, = quaere ortum videtur; cf. §§ 18. 67. Mur. 51): quod si tamen Lambinus: cum tamen Madvig
24 Miloni Wolff
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.