19.
[49]
age, sit ita factum: quae causa fuit1 cur Romam
properaret, cur in noctem se coniceret2? quid adferebat
festinationis3 quod heres erat? primum nihil erat4 cur properato
opus esset; deinde si quid esset, quid tandem erat quod
ea nocte consequi posset, amitteret autem, si postridie Romam
mane5 venisset? atqui6 ut illi nocturnus ad urbem adventus
vitandus potius quam expetendus7 fuit, sic Miloni, cum insidiator
esset, si illum ad urbem noctu8 accessurum sciebat,
subsidendum atque exspectandum fuit.
[50]
Noctu occidisset9:
insidioso et pleno latronum in loco occidisset10. nemo ei
neganti non credidisset quem esse omnes salvum etiam
confitentem volunt. sustinuisset crimen11 primum ipse ille
latronum occultator et receptor12 locus, tum neque muta
solitudo indicasset neque caeca nox ostendisset Milonem;
deinde13 multi ab illo violati, spoliati, bonis expulsi, multi
haec etiam timentes in suspicionem caderent, tota denique
rea citaretur14 Etruria.
[51]
atque illo die certe Aricia rediens
devertit Clodius ad se15 in Albanum. quod ut sciret Milo
illum Ariciae fuisse, suspicari tamen debuit eum, etiam si
Romam illo die reverti vellet, ad villam suam quae viam tangeret
deversurum. cur nec16 ante occurrit ne ille in villa resideret,
nec17 eo in loco subsedit quo ille noctu venturus esset?
[52]
video adhuc constare18, iudices, omnia: Miloni etiam utile
fuisse Clodium vivere, illi ad ea quae concupierat optatissimum
interitum Milonis; odium fuisse illius in hunc acerbissimum,
nullum huius in illum; consuetudinem illius
perpetuam in vi inferenda19, huius tantum in repellenda;
mortem ab illo Miloni denuntiatam20 et praedicatam21 palam,
nihil umquam auditum ex Milone; profectionis huius diem
illi notum, reditum22 illius huic ignotum fuisse; huius iter
necessarium, illius etiam potius alienum; hunc prae se
tulisse se illo die23 exiturum, illum eo die se24 dissimulasse rediturum;
hunc nullius rei mutasse consilium, illum causam
mutandi consili finxisse; huic, si insidiaretur, noctem prope
urbem exspectandam, illi, etiam si hunc non timeret, tamen
accessum ad urbem nocturnum fuisse metuendum.
Click on a word to bring up parses, dictionary entries, and frequency statistics
3 causa festinationis H
4 nihil erat ςBH et Schol.: erat nihil cett.
6 atqui Ascon.: atque codd.
7 expectandus ς (potius quam exp. om. codd. Asconii)
9 noctu occidisset ςb2: noctu occidisset, nemo ei neganti non credidisset H: om. cett.
10 insidioso ... occidisset ςHb2: om. cett.
11 crimen ςH: hoc crimen cett.
12 receptor ex repertor H cum Ernesti
13 deinde ςH: deinde ibi E: deinde ubi Tδ
14 reacitaretur H: re agitaretur ς
15 se (sua ς) in ςH: om. cett.
18 constare adhuc E
20 Mil. denunt. ςH: denunt. Mil. cett.
21 praedictam b, Gruter
22 reditum Hb2: -tus ETab1
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.