11.
[24]
summa dignitas est in eis1 qui militari
laude antecellunt; omnia enim quae sunt in imperio et in
statu civitatis ab his defendi et firmari putantur; summa
etiam utilitas, si quidem eorum consilio et periculo cum re
publica tum etiam nostris rebus perfrui possumus. gravis
etiam illa est et plena dignitatis dicendi facultas quae saepe
valuit in consule deligendo, posse consilio atque oratione
et senatus et populi et eorum qui res iudicant mentis permovere.
quaeritur consul qui dicendo non numquam
comprimat tribunicios furores, qui concitatum populum
flectat, qui largitioni2 resistat. non mirum, si ob hanc
facultatem homines saepe etiam non nobiles consulatum
consecuti sunt, praesertim cum haec eadem res plurimas
gratias, firmissimas amicitias, maxima studia pariat. quorum
in isto vestro artificio, Sulpici, nihil est.
[25]
primum
dignitas in tam tenui scientia non potest esse; res enim
sunt parvae, prope in singulis litteris atque interpunctionibus
verborum occupatae. deinde, etiam si quid apud maiores
nostros fuit in isto studio3 admirationis4, id enuntiatis vestris
mysteriis totum est contemptum et abiectum. posset agi
lege necne pauci quondam sciebant; fastos enim volgo non
habebant. erant in magna potentia qui consulebantur;
a quibus etiam dies tamquam a Chaldaeis petebatur5. inventus
est scriba quidam, Cn. Flavius, qui cornicum oculos confixerit
et singulis diebus ediscendis6 fastos populo proposuerit
et ab ipsis his7 cautis8 iuris consultis eorum sapientiam compilarit.
itaque irati illi, quod sunt veriti ne dierum ratione
pervolgata9 et cognita sine sua opera lege agi10 posset11, verba
quaedam12 composuerunt ut omnibus in rebus ipsi interessent.
Click on a word to bring up parses, dictionary entries, and frequency statistics
1 iis ed. R: his mei
2 largitioni ψ2: largitione cett.
3 in isto studio ψ2: in istros (iis tres ψ1) duo cett.
4 admirationis ψ2: admiserationis (miser- ψ1) cett. id enuntiatis] i (et χ) denuntiatis σχ
6 ediscendis w: discendis ω: eliscendis (eli- π2 in ras.) cett.
7 his scripsi: om. codd.
8 cautis Beroaldus. causis mei: capsis cod. Sambuci, Madvig, catis Manutius consultis eorum]consultorum Madvig
10 lege agi ed. Guar.: lege codd.
11 posset edd. VR: possit mei
12 verba quaedam Niebuhr: vero (vere χ1) acaedam (attedam ψ2) codd.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.