This text is part of:
Click on a word to bring up parses, dictionary entries, and frequency statistics
[34]
Innumerabilia sunt ex quibus effici cogique possit nihil esse quod sensum habeat quin id
intereat; etenim ea ipsa quae sentiuntur, ut frigus ut
calor ut voluptas ut dolor ut cetera, cum amplificata
sunt interimunt; nec ullum animal est sine sensu;
nullum igitur animal aeternum est. Etenim aut simplex est natura animantis, ut vel terrena sit vel ignea
vel animalis vel umida, quod quale sit ne intellegi
quidem potest, aut concretum ex pluribus naturis, quarum suum quaeque locum habeat quo naturae vi
feratur, alia infimum alia summum alia medium. [p. 131]
haec ad quoddam tempus cohaerere possunt, semper
autem nullo modo possunt; necesse est enim in suum
quaeque locum natura rapiatur. nullum igitur animal
est sempiternum.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.